Ҷузъҳои лоиҳа

Навсозӣ ва барқарорсозии стансияҳои насосии СНО-1, СНО-2 ва СНОДВ дар массивҳои калони ноҳияи Зафароботи вилояти Суғд, аз ҷумла: корҳои сохтмонию васлкунӣ ва ба истифода додани насосҳо, муҳаррикҳои барқӣ ва қубурҳои фишорноки нав; таҷҳизонидан бо таҷҳизоти зарурии барқӣ ва механикӣ; автоматикунонии низоми ҳисоби истеъмоли неруи барқ ва об; хизматрасониҳои лоиҳакашӣ ва назорати муаллифӣ; хизматрасониҳои муҳандис-Машваратчӣ оид ба назорат.

Таъсиси колоннаи механиконидашудаи сайёр ва таҷдиди базаи хизматрасонии техникӣ (автобазаи АБЗО) бо таҷҳизонидан барои хизматрасонӣ ва истифодабарии низомҳои обёриву дренажӣ, аз ҷумла: корҳои сохтмонию васлкунӣ ва ба истифода додани автобаза; харидории мошинҳо, механизмҳо ва таҷҳизоти нави зарурӣ; хизматрасониҳои лоиҳакашӣ ва назорати муаллифӣ; хизматрасониҳои муҳандис-Машваратчӣ оид ба назорат.

Баланд бардоштани иқтидори институтсионалии Агентии беҳдошти замин ва обёрӣ ва манфиатгирандагони лоиҳа, аз ҷумла гузаронидани барномаҳои таълимӣ, паҳн намудани донишҳо ва чорабиниҳои дигари ба тақвияти иқтидори кадрӣ нигаронидашуда.

Идоракунии лоиҳа, аз ҷумла ҷалби машваратчӣ барои амалӣ намудани мониторинги сохтмон ва расонидани дастгирӣ ба ГТЛ дар ҳамоҳангсозии ҳаррӯзаи иҷрои корҳо оид ба татбиқи лоиҳа.